Hlutverk Elmu

Elma orkuviðskipti er félag sem hefur það hlutverk að veita markaðsaðilum öruggan, áreiðanlegan og gagnsæjan raforkumarkað á Íslandi.

Elma starfrækir næsta-dags markað og innandagsmarkað með raforku í samstarfi við Nord Pool, leiðandi þjónustuaðila á evrópskum raforkumarkaði. Á næsta-dags markaði fara viðskipti fram með dags fyrirvara en á innandagsmarkaði fara fram samfelld viðskipti nær afhendingartíma raforkunnar.

Elma er miðlægur mótaðili í viðskiptum, gerist kaupandi gagnvart hverjum seljanda og seljandi gagnvart hverjum kaupanda. Elma annast fjárhagslegt uppgjör viðskipta og tekur á sig mótaðila- og uppgjörsáhættu. Þannig stuðlar Elma að öruggu, tímanlegu og fyrirsjáanlegu uppgjöri, auknu gagnsæi og skilvirkari verðmyndun.

Elma býður einnig upp á rafrænan uppboðsmarkað fyrir langtímasamninga þar sem markaðsaðilar geta keypt eða selt sérsniðnar vörur í samræmi við eigin þarfir og áherslur.

Elma er dótturfélag Landsnets hf. og að fullu í eigu flutningsfyrirtækisins.

Stjórn og starfsfólk

Stjórnarformaður Elmu orkuviðskipta er Páll Harðarson.